Katja Mencelowa (roźona Donatojc) z Prjawoza, spiwarka w Dolnoserbskem źiśecem chorje

To jo wjelgin tužne, až jo kněz Rjentš wumrěł. Wón jo był taki luby luź. We Dolnoserbskem źiśecem chorje jo se pśecej procował, až nam nic njefelujo. Rad se dopominam na chorowe lěgwa, źož jo kuždy špos sobu gótował. Wón jo był nam kaž nan a jo nas mócnje pregował. Bźez njogo njeby dolnoserbski sekstet a teke nic našo towaristwo dało. Wón buźo nam felowaś.

Diana Apitz-Mamoudou z Barlinja, spiwarka w Dolnoserbskem źiśecem chorje

Wjelicny luź spušćijo ten swět: Ja som rowno mójomu cłowjekoju rozkładła, chto jo wumrěł. Mój chorowy wjednik, lubosnje smy jomu gronili „Rjentšiboy“. Kaž pšawy nan jo nas wušej 30 lět pśewóźował. A pśecej jo měł něco žortnego parat. Smy byli měnjece, až wót 60. narodnego dnja njejo zewšym staršy wordował.

Něnto sejźim how z mójim góletkom a cytam tu tužnu powěsć, a wumarkuju zasej raz, kak blisko stej se zachopjeńk a kóńc ...

Sebastian Elikowski-Winkler, něga spiwaŕ w Dolnoserbskem źiśecem chorje