Z Chóśebuza/Cottbus. Nimsko-serbski ansambel z Chóśebuza jo sobotu pśed dwěma tyźenjoma se wudał z kulturnym śěgom z Chóśebuza do Wrocława (krotko smy jo pśed tyźenjom wobspomnjeli). To jo se stało na iniciatiwu Nimsko-pólskego towaristwa z Barlinja: Wóni su jich pšosyli, aby sobu jěli a serbsku muziku, drastwu a reje prezentěrowali. „My smy jim tu pšosbu rad dopołnili“, jo nam groniła wjednica ansambla Jana Krügerowa.

Cłonki ansambla su w měsće na ten śěg na peronku cakali, rědnje woblacone ze serbskeju drastwu. A ako śěg jo wustał, su wóni ned prědnu štucku wurejowali, a ta reja jo měła cyniś z wobźěłanim lanu. Pśi wustaśu w Baršću su hyšći raz stupili ze śěga a pokazali nałog chójźenja pó jatšownu wódu. We śěgu su wóni wótegranjali na pšašanja drogowarjow a gromaźe z moderatorku wulicowali wót serbskich nałogow a tradicijow. Drogowarje su mógali to rozgrono słyšaś ze słuchałkami.