Ze Žylowa/Sielow. Pětk pśed dwěma tyźenjoma jo tudska Domowinska kupka gromaźe grillowała. „To jo mjaztym naša nowa tradicija, až gótujomy kužde lěto taki lěśojski swěźeń“, jo Casnikoju pśi telefonje gronił pśedsedaŕ Juro Gera. „Tenraz smy grillowali wu Tatanojc, a ten góspodaŕ Wolfgang a góspoza Helga stej z lubosću jězu pśigótowałej, tak až my smy se wjelgin derje culi“ ‒ jo nam gronił Gerat Grěbik, dłujkolětny lazowaŕ a awtor Casnika. Pśi tej góźbje su wunjasli toast na Dominusojc Eck­harda a Renatu, akostej pśed krotkim swěśiłej złośanu swajźbu.