Z Běłeje Góry/Byhleguhre. 4. awgusta jo było w Běłej Górje zasej łapanje kokota, organizěrowane pśez Tradiciske towaristwo Běła Góra, kótarež jo cłonk Domowiny. Sta (hunderte) woglědarje su sebje woglědali w linjecej górcośe na swěźeńskej łuce toś to tradicionalne serbske wuběźowanje. Wót tych šesć rejtarjow a jich kónjow jo se wšykno wótpominało, nježlic až su byli mjenja tych kralow jasne.

„Teke gaž jo pla nas źinsa parjeca górcota, naše tradicije ma naša angažěrowana wejsna młoźina stawnje w cesći“, jo groniła Jutta Vogelowa, cesnoamtska šołtowka błośańskeje gmejny Běła Góra-Bělin.

Z dujarskeju muziku su śěgnuli rejtarje na kóńjach tak ako źowća w serbskej swěźeńskej drastwje a z trofejami za dobyśarje wót najsy na swěźeńsku łuku.