Ze Žemrja/Lubsko. Towaristwo za serbsku rěc w cerkwi jo organizěrowało njeźelu tyźeń rědny hulět do pódzajtšneje Dolneje Łužyce. Góźba k tomu jo nastała pśez dwóji jubilej, ak jo zwězany ze serbskeju historiju tych stronow. 1. Pśed 470 lětami jo faraŕ Mikławš Jakubica pśestajił Nowy testament do dolnoserbskeje rěcy (1548). 2. Pśed 300. lětami jo se k drugemu razoju hudał serbski katechizmus za trjebulsku wósadu (Triebel, źinsa Trzebiel) wót Kristofa Fabriciusa (1718) [jogo njedejali zaměniś z Johannom Gottliebom Fabriciusom, ak jo 1706 prědny raz śišćał Nowy testament w serbskej rěcy].