Dešno/Dissen. Župa Dolna Łužyca ma wěcej ako 2.200 cłonkow, ak se we jadnab 40 Domowinskich kupkach a drugich towaristwach angažěruju. Mjazy župnym pśedsedarstwom a prezidiumom Domowiny wobstoj kooperaciske wujadnanje – tam stoj, až wobej gremiuma buźotej se dwójcy k lětu zmakaś (Casnik jo pisał).

Srjodu pśed dwěma tyźenjoma stej prezidium Domowiny a pśedsedarstwo dolnołužyskeje župy w Dešnje gromaźe wobradowałej. Zastupny jadnaŕ Marcus Końcaŕ jo k wěsći dał, až LEAG buźo teke w lěśe 2018 pjenjeze daś za serbske kulturne a rěcne projekty. Mimo togo buźo pódpěraś Archiw zgubjonych jsow. We pśichoźe dej nowy projektowy manager projektowe źěło serbskich towarstwow w Górnej a Dolnej Łužycy zmócniś. Wobźělniki su pótom pśedewšym dwě temje diskutěrowali: planowanu strukturnu a kubłańsku konferencu.