Ja som Max Bagańc z gubinskich stronow

Von Nowy Casnik Mittwoch, 27. September 2017
Naš praktikant Max Bagańc jo był teke pśipódla, ako Rěcny centrum Witaj jo cesćił młoźinu, kótaraž se angažěrujo za serbsku rěc (na pšawem boce, źaržecy parasol šefoju RCW Viktor Zakaroju na cołnje). Ako wiźiśo: Wón pomoga rad teke zastupnikam drugich serbskich institucijow, jo-li trjeba. Foto: G. W.

Dobry źeń! Mě gronje Max Bagańc a ja som nowy praktikant redakcije Nowego Casnika. Wót zachopjeńka septembra mam góźbu, něco wót redakciskego źěła a serbskego žurnalizma we tom jadnučkem dolnoserbskem tyźeniku nazgóniś.

Som 21 lět stary a študěrujom sorabistiku we stwórtem semesterje na uniwersiśe w Lipsku. Tam teke bydlim we małem bydleńskem zgromaźeństwje (WG) we jutšnem měsćanskem źělu Anger-Crottendorf.

Ja pśidu z dłujkozajtšnego roga Dolneje Łužyce, ze stronow mjazy Gubinom a Pśibrjogom/Eisenhüttenstadtom, pótakem zwenka źinsajšnego serbskego bydleńskego ruma. Mója wjas Streichwitz (na serbske: za Muku Stśěgojce, za Wenzelom a drugimi mjenjowědnikami Stryjkojce) lažy we gmejnje Nowa Cala (Neuzelle), a stakim niźi 30 do 40 kilomejtarjow wót aktualnego sedlarskego ruma.

(1 Stimme)
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen