List na redakciju

Serbska wubranka juž wót lěta 1956

Von Mikławš Krawc Mittwoch, 21. Juni 2017

Móžomy byś wjasołe, až jo se załožyło towaristwo „Serbske koparje/Wendische Auswahl“ a až dej nastaś dolnoserbska wubranka (Wendische Auswahl). W Casniku 18/3.5.17 smy cytali toś te nowinki. Tam pak jo teke informacija, až górnoserbska wubranka eksistěrujo wót lěta 2008. To njejo korektne!

Pśi góźbje zmakanja z mjenim „Zjězd Serbow“ w lěśe 1950 w Budyšynje jo 6. julija na stadionje nastupiła prědny raz górnoserbska wubranka a jo dobyła 3:1 pśeśiwo wubrance Traktor z chóśebuskego wobwoda. (Awtor togo lista jo tencas sam sobu grał.) Do togo stej byłej njeoficialnej treningowej zmakani. A wót 1956 až do źinsa jo górnoserbska wubranka wěcej ako 50 (!) graśow měła: how pla nas, ale teke w drugich krajach. Tak jo wubranka w lěśe 1965 w Českej była a jo pśeśiwo mustwo Spálené Poříčí 3:3 grała (do togo pla nas we wjasce Hórki jo stojało 6:1 za Serbow).

W lěśe 2008 su Górnoserby w Šwicarskej se wobźělili na prědnej „europeaźe“, což jo europske mišterstwo narodnych mjeńšyn, akle łoni pak w Italskej (w Pódpołdnjowem Tirolu) na tśeśich mejstarstwach. Serbske balokoparje pak su byli w lěśe 2012 gósćowarje drugego championata.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen