Budyšyn/Bautzen. Aby serbska rěc we modernem swěśe nowych medijow wobstała, dostawa Załožba za serbski lud wót nimskego stata pśidatne pjenjeze. Wóni se nałožuju za wjeliki projekt Serbska rěc w nowych medijach. Zachadny tyźeń jo k nam doleśeła powěsć, až wažny źěł togo projekta jo něnto dokóńcowany: ortografiska kontrola za górnoserb­sku rěc jo pśistupna na internetowem boce ­górnoserbske- go online-słownika soblex.de. Za dolnoserbsku rěc jo ortografiska kontrola pśistupna južo wót zachadnego lěta na portalu Serbskego instituta www.dolnoserbski.de. To dolnosebrske pśedewześe jo se realizěrowało pśez pjenjeze tśeśich (Drittmittel). Pśistupne su module za znate a rozšyrjone office-programy (wěcej we kašćiku).

Za powěsću direktora Załožby za serbski lud Jana Budarja jo dolnoserbska rěc měła južo „pśedskok“ pśez źěło na nimsko-serbskich słownikach, ak su se we chóśebuskej wótnožnce Serbskego instituta we slědnych lětach digitalizěrowali.