Chóśebuz/Cottbus. Znaśa serbskeje rěcy mógu byś wužytne na źěłowych wikach (Arbeitsmarkt) na wjele wěcej pólach, ako se zaprědka zda. Pódla znatych, cysto serbskich pówołanjow, źož ten sobuźěłaśeŕ musy ceły źeń serbski powědaś, dajo teke bejnu licbu drugich wobcerjenjow, źož serbska rěcna kompetenca njejo na kuždy part notna, móžo pak jomu pśidatny wužytk pśinjasć. To jo wulicował Měto Nowak z Pódstupima (Potsdam), referent zagroniteje za nastupnosći Serbow pśi bramborskem kněžarstwje, wuknikam Dolnoserbskego gymnaziuma zachadny stwórtk we šulskej awli.