Pśi programowem dypku „projektowe perspektiwy“ jo ako prědny Jan Lorenz z Halle referěrował a projekt „Drasta digital“ pśedstajił.

Z Wórjejc/Hoyerswerda. Co trjeba žywe serbske kulturelne kubłanje źinsa? Kótare inowatiwne projekty južo dajo? Kak móžotej se sakski a bramborski źěl serbskeje kubłańskeje krajiny wěcej gromaźe mysliś a kak móžo se na ten part lěpjej gromadu źěłaś? Take pšašanja su stojali we fokusu wuměnowego a seśowego zmakanja „SerbskiPuls“ pětk tyźeń w Kulturnej fabrice we Wórjejcach. Wobźělili su se zastupnice a zastupniki z wobłukow politika, kubłanje, zastojnstwo, kulturelne źěło wšakego raza, ga teke zastupnice a zastupniki Domowiny, Załožby za serbski lud a serbske kulturnice a kulturniki wót baze – ze wšych źělow Łužyce.