Z Wórjejc/Hoyerswerda. Stwórtk tyźeń wjacor su se zmakali w Domowinskem domje we Wórjejcach zastupniki župow a cłonkowych towaristwow ze pśedsedarjom Domowiny Dawidom Statnikom. Jim stej tam pśedstajiłej wjednica za wizuelnu komunikaciju a design, Veronika Bjarš, a casnikaŕska powědaŕka Domowiny, Božena Šimanec, nowy wenkowny wobraz a nowu webstronu Domowiny. „Njejo to nowowuwiśe našogo designa, ale konsekwentne dalejwuwiśe južo wobstojecego designa. Wužywamy dalej nacerjenje logo Hanki Krawcec, ako jo wóna 1950 wuźěłała“, tak Veronika Bjarš, zagronita za cełkowny projekt. „Našo wupominanje jo było, wuwiś nacasnu a techniski aktualnu webstronu.“