Z Wórjejc a Spalow/Hoyerswerda und Spohla. Pó lěśe 2011 se wótmějo 20. Serbski ewangelski domowniski źeń w regionje Wórjejce wótnowotki we Wórjejcach a Spalach. Mimo togo buźo 80. Serbski ewangelski cerkwiny źeń – wobej dnja 13. a 14. junija 2026. Intensiwnje pśigótujo to tšojenje Serbski ewangelski źěłowy krejz. „Zachopjeńk buźo 13. junija zeger 14:00 z měsćańskim wjeźenim k temje ,Serbske Wórjejce‘. Werner Sroka to pśewjeźo w serbskej rěcy. Druge wjeźenje w nimskej rěcy nawjedujo Sigrun Nazdala“, groni Heinrich Koch, faraŕ we farskem zwězku (Pfarrsprengel) Wórjejce-Halš-trowksa Hola (Hoyerswerda-Elsterheide) a sobuorganizator we źěłowem krejzu. „Pśecej pśed jadnym wjeźenim dej byś nabóžnina w cerkwi. A pó wjeźenjoma slědujo zgromadnosć w Lutherowem domje.“