Z Budyšyna/Bautzen. Pěś stacijow jo wopśimjeła studijowa tura pó Górnej Łužycy, kótaruž jo „seś nowa serbska muzika“ na zelenem stwórtku prědny raz organizěrowała. Cil projekta jo, „akterkam a akteram regiona póglěd do rozdźělnych źěłowych wašnjow a muzikaliskich kontekstow we wobłuku serbskeje muzikoweje produkcije pósrědniś a profesionelnu wuměnu rozšyriś“, stoj w oficialnem wopisowanju. Głowny organizator tury jo labor za multisensorisku kreatiwnosć Ectoplastic, kótaryž jo mjazy drugim znaty za projekt „Drasta digital“. Za studijowu turu jo se dobyła pódpěra centralnego muzikowego spěchowarja, zwězka „Initiative Musik“ kaž teke běrowa za popkulturu a muziku krajnego zwězka „Kultur- und Kreativwirtschaft Sachsen“.