Z Města/Cottbus. Ku góźbje 35. wrośenice zasejzjadnośenja Nimskeje se wótmějo wjelika licba zarědowanjow. Na někotare, kenž pśewjedu w Chóśebuzu, comy how zajm chyliś. Tak se wótměju wót 29. septembra do 15. oktobra temowe tyźenje źěłoweje kupki Politiske kubłanje Chóśebuz (AG Politische Bildung Cottbus). Pód motom „Něžnosć demokratije“ ( „Die Zärtlichkeit der Demokratie“) póbitujo wjele projektowych partnarjow we tom ramiku cele rozdźělne zarědowanja. Wjelebocny program namakajośo pód https://cottbus.de/verwaltung/gb-1/dz-1-1/fb-15-bildung-und-integration/bildungsbuero/gremien/ag-politische-bildung/. Teke Měsćański muzej Chóśebuz se wobźělijo na tych temowych tyźenjach, ga z dwěma wustajeńcoma. Pónjeźele su tam wótwórili wustajeńcu „Übergangsgesellschaften. Akteure der Transformation in Berlin und Brandenburg nach 1989“.