Z Bórkow/Burg. Na slědnem kóńcu tyźenja w awgusće su wugótowali k 31. razoju domowniski a drastwiny swěźeń – a to zasej w Bórkowach. W zachadnem lěśe jo był wjeliki event w bliskem Dešnje pśi góźbje wejsnego jubileja. Lětosa su zasej tśi dny dłujko swěśili, a to z wjele wjeraškami.

Wótwórjenje swěźenja

Tradicionelnje su startowali južo pětk z wótpołdnjom za seniorow na swěśenišću. Amtski direktor Tobias Hentschel jo tam swěźeń wótwórił a z tym zachopk za dłujki, ale rědny kóńc tyźenja dał. W pśizamknjenju su na jawišću wšakorake programy pokazali a z tykańcom a kafejom swěśili. Wjacor jo se hyšći wótměł pśeśěg z pochornjami za źiśi zgromadnje ze Strobicańskimi muzikantami. Pózdźej jo zaklincała muzika za južo staršych luźi až do nocnych góźinow.

Wjele muziki a rejow