Ze Slěpego/Schleife. Wěsće by se Helmut Hantšo (1938–2021), pilny wejsny chronist a prědny demokratiski wuzwólony wejsny šołta w Slěpem, wjelgin wjaselił, gaby to sobu dožywił, což jo se slědny tyźeń wałtoru w jogo jsy stało. Wobydlarje a młoge dalšne luźe ga běchu pśed tym do domu dostali „Ćeprosenje na ćedstajenje knigłow“, a to do slěpjańskego gósćeńca „Brauwerk“.

Jadnab 100 luźi jo tomu slědowało – mjazy nimi slěpjańska serbska faraŕka Jadwiga Malinkowa a šołta Jörg Funda, serbski superintendent z Budyšyna Jan Malink a jogo žeńska a znata serbska historikaŕka Trudla Malinkowa.