Sobota, 6. septembra

Žywe zmakanje za młodych a starych w Turjeju

Domowniski muzej Turjej pśepšosyjo zeger 14:30 do 17:30 pód motom „łužyske tradicije“ na rědne wótpołdnjo. Wšykne žeńskece gósći mógu raźi w tradicionelnych drastwach pśiś. W rědnej atmosferje se powěda wó nałogach ako zapust, jatšowny wogeń, stajanje majskego boma a wěcej. Chtož co, móžo jaja abo gódowne kule wupyšniś. Kafej a samopjacony tykańc sajźijo na zmakanju za młodych a starych.

Zakrjow: Wašnje a nałogi Serbow na lanźe

Wejsny muzej Zakrjow pśepšosyjo na rozgranjanje pśi kafeju wót zeger 15:00 do 20:00. Pśi tom wobstoj móžnosć dopomnjeśa wuměniś. Reinhard Natusch pśedstajijo swóje nowe knigły „Sitten und Bräuche der Sorben und Wenden auf dem Lande/ Wašnje a nałogi wejsnych Serbow“. Mimo togo pokažo muzej wěcej wó serbskich nałogach a stawiznach Zakrjowa.