Z Lěšćow/Hornow. We tśirožku Grodk (Spremberg), Derbno (Döbern) a Baršć (Forst), ga na krajowej droze 48, namakajo se pśi kšomje drogi w Lěšćoch (Hornow) historiski wětšnik (Bockwindmühle). We njom se zjadnośiju nostalgija, technika a familijowe stawizny pó jadnoraznej wašni.

Mjazy młynami Dolneje Łužyce jo ten młyn wjelgin rědki pśikład za dopołnje zdźaržany załožk (Anlage) z ranego casa pśechoda wót rucnikaŕskego młyna k zawodoju, kenž se z motorom pógónjujo. Źinsa jo wón wiźeś ako motorowy młyn z techniku z 1950-tych lět, tegdy źěłajucy za trajźine góspodaŕstwo. Dopołnje stej se ga zdźaržałej młyńska technika a historiske twaŕske śěło. Tak móžośo w Lěšćoch njepósrědnje dožywiś wuwiśe młyńskego rucnikaŕstwa wót mlaśa z ruku až k industrializaciji.