Dwór horta jo se pśegótował do rejowanišća, źož su źiśi, wótkubłaŕki, starjejše a dalšne gósći se radosnje wjerśeli. 
Z Wětošowa/Vetschau. Což jo se dotychměst we Wětošowje wugbało za serbske kubłanje, zasłužyjo respekt. Njewomucne proce pśez 25 lět, źiśam we Wětošowje we ramiku Witaj-projekta serbsku rěc pó grajkajucej wašni pósrědniś, su na kuždy pad zawina k swěśenju. A nanejmjenjej jadna nowa ceptaŕka jo se namakała, kótaraž w pśiducem šulskem lěśe na šulskem centrumje „dr. Albert Schweitzer“ serbsku wucbu pśewzejo, mjaztym až how dwě serbskej ceptaŕce kóńc togo šulskego lěta na wuměńk pójźotej. Dotychměst jo dało tśich serbskich ceptarjow, a gaž to w pśiducem šulskem lěśe pón buźotej jano dwa, jo jasne, až idealne to hyšći njebuźo. Wšak teke jasne, až to pójźo dalej.
Wuske zwězanje
a dobre zgromadne źěło
