Z Hochoze/Drachhausen. Mjazynarodny folklorny festiwal jo 15. raz zaśěgnuł do hochoskich dwórow a jo pisanu kulturu ze źaseś krajow sobu pśinjasł. Fanfary su twórili slědny pětk wjacor na głownem jawišću za hochoskeju cerkwju zachopk lětosnego festiwala. Tam stej hochoski šołta Ronny Henke a direktor picańskego amta Norbert Krüger gósći wuwitałej. A pśedsedaŕ Domowiny Dawid Statnik jo se póstrownym a chwalecym słowam pśizamknuł: „Kultura jo rěc, kótaruž kuždy rozmějo.“ Pótom su wóni jawišćo pśewóstajili moderatorce Dianje Šejcowej a hochoskim małym a młodym rejowaŕkam ze źiśownje „Tyca“, rejowańskeje kupki Katrin Tilgneroweje a kupki „Dragonflies“ (bogowe kóniki). Zeger sedymich jo se program zachopił na wšyknych jawišćach: pla Ungerojc w brožni, na dwórje Bergschlösschen pla Lobeźic, w faraŕskej zagroźe pódla cerkwje a na cerkwinej łuce.

Cerkwina łuka z latino- temperamentom