Z Barlinja/Berlin. Pěte financěrowańske dogrono mjazy Załožbu za serbski lud, Zwězkom a krajoma Bramborska a Sakska, kótarež ma wót 1. januara 2026 płaśiś, njejo doněnta hyšći wujadnane. Wó tom su se informěrowali cłonki Załožboweje rady na swójom pósejźenju 22. maja w Barlinju. Dokulaž jo wusokosć pśipłaśonkow za 2026 dalej njejasna, wóstanjo zestajenje znowskich góspodaŕskich planow institucijow a załožby wjelike wupominanje. Weto maju se wěcy planowaś a na drogu spóraś. Wó tom pósejźenju Załožboweje rady sćo južo w slědnem wudaśu Casnika wšake cytaś mógali, ale něco comy tenraz hyšći dodaś. Tak su byli mjazy wažnymi temami teke směrnice Załožby za serbski lud a diskusija wó nosaŕskem późělu za serbske źiśownje.

Pśeźěłana spěcho-

wańska směrnica