Z Města/Cottbus. Slědny tyźeń stwórtk su w Chóśebuzu – Gogolowje (Groß Gaglow) wótwórili nowy wjeliki nakupowański centrum. Ten něntejšny „Lausitz Park“ dej se w pśiducych lětach až na jaden mjeńšy źěl wótryś. Do nowego nakupowańskego centruma słuša wjelika kupnica wót „Marktkauf“, kótaraž jo jadnab 7.000 kwadratnych mejtari wjelika. Wóna póbituju kupcam wokoło 70.000 wšakich artikelow. To njejsu jano zežywadła (Lebensmittel), ale wšykno to, což luź kuždy źeń trjeba – wšaki rěd, artikele za drogeriju a za cysćenje a wjele drugego. Ceła kupnica, za kótaruž jo Edeka wudała jadnab 100 milionow euro, jo wjelgin modernje wugótowana. Kupce njetrjebaju pśedłujko pytaś. Ale hyšći něco jo kradu nowe. Pśi młogich artikelach ga su te napisma teke dolnoserbske – na pśikład „piśa“, „měso a jěšnica“.