Z Města/Cottbus. Z dwěma njewšednyma koncertoma jo Serbski ludowy ansambel (SLA) sobotu, 10. maja, w zalu chóśebuskego konserwatoriuma wustupił. Wó wjacornjejšem koncerśe sćo w zachadnem Casniku cytali. Ale se wě tek njocomy zabyś ten prědny koncert, kenž jo wótpołdnja wósebnje familije ze źiśimi do konserwatoriuma wabił. Serbske familije ga trjebaju a se žyce póbitowanja, źož mógu jich źiśi na spódobny part serbsku rěc „we akciji“ dožywiś – a take póbitowanje su teke měli z wónym koncertom pód titelom „Abrafakse a carny młyn“. Muzika a libreto póchadatej z pjera Vincenta Strehlowa, a barlinski kresleński team jo pśinosował te ilustracije, kótarež su se na wobrazowce ku tomu tšojenjeju prezentěrowali.