Z Města/Cottbus. Z temu „Wjerś‘ mě póla „blida“! – Serbske ludowe rejowanje se wóžywijo!?“ jo se 106. Serbske blido pśiwobrośiło serbskej rejowaŕskej kulturje. Pśi toś tej tematice jo to samorozmějuce, až nichten drugi njeby ako rozgronowy partnaŕ do pšašanja pśišeł ako Gregor Kliem. Srjodu, 14. maja, jo wón zajmcam w Serbskem muzeju wulicował, kak to wuglěda ze serbskeju rejowańskeju kulturu, a jo pśi tom z gósćimi do rozgrona pśišeł. Serbske blido stej tenraz Serbski muzej a Šula ta dolnoserbsku rěc a kulturu gromaźe wugótowałej.