Z młogimi Domowinskimi cłonkami a dalšnymi luźimi jo měła – a wěsće dalej ma – Karin Tšukowa wjelgin dobre kontakty. K nim słuša Christa Halkowa, ako w Groźišću nawjedujo Domowinsku kupku. 
Gaž w młogich institucijach, gremijach a teke firmach skjarže, až njejsu tam žeńske we zagronitych wažnych a wusokich funkcijach a amtach abo jich tam pśemało jo, pón to za Domowinu njepłaśi. Napšawdu nic! Tak su we wšych pěś Domowinskich župach w Dolnej a Górnej Łužycy rowno žeńske te, ako tam to źěło ako regionalne powědaŕki wjelgin derje nawjeduju a rěduju.
Freitag, 10.10.2025
