Źiśownja „Milenka“ dej kóńc maja gótowa byś

Z Rownego a Slěpego/Rohne und Schleife. Zarownańska nowotwaŕ Witaj-źiśownje „Milenka“ w Rownem, ako jo w nosaŕstwje gmejny Slěpe, dej až do kóńca maja gótowa byś. Pótom slědujo probowy wótběg. Zachopjeńk pšaweje statkownosći dej byś 7. julija. To jo pódšmarnuł Steffen Seidlich, wjednik twaŕskego amta zastojnstwowego zjadnośeństwo Slěpe, na pósejźenju rady 6. maja. Tuchylu se hyšći źěła na zbytnych wugbaśach pśi sanitarnych instalacijach, topjenju a elektrice. Kóńc apryla jo se librował mobiliar za źiśownju a jo se natwarił.

Zarownańska nowotwaŕ jo notna, dokulaž doněntna městnosć źiśownje jo była pśeliš bliska wudobywańskeje kšomy wugloweje jamy Wochoza. Teke w nowem twarjenju se dalej wjeźo pósrědnjenje serbskeje rěcy pó Witaj-metoźe, ak jo Serbske šulske towaristwo wuwiło. Wót 1999 zwopšawdnijo rowninska źiśownja Witaj-koncept a co na nazgónjenja ze zachadnych lět nawězaś.

Fotowoltaik-załožk

za šulske kšywo