Z Turjeja/Tauer. Južo na zachopjeńku lěta 2025 jo dało wjelicny jubileum w Turjeju: 140. zapust. Ako wobydlarje jsy su zachopili event planowaś, jo ideja za žywy adwentski kalendaŕ nastała. Kuždy źeń w adwenśe jo drugi dwór swóje wrota wócynił. Luźe su na pśikład gromaźe spiwali, su tšojenja słuchali, rejowali, śopły tej a warjone wino pili a teke raz drogowali a sportowali. Tak jo wjele luźi gromadu pśišło. Adwentski kalendaŕ jo wjeliki wuspěch w Turjeju był. Za nas jo zachopiła z tym zyma zmakanjow a towarišenja.

Dalšnej wjeraška w januarje stej byłej larbaty bal a fašing za źiśi. Wobej swěźenja stej se wótměłej w hotelu Christinenhof & Spa w Turjeju. Wušej togo su dostali luźe we jsy móžnosć wuknuś cypjel a šorcu za serbsku drastwu sami pśigótowaś za zapust. Za to jo dało dwa kursa w gmejnskem domje. Stakim jo było wšykno pśigótowane za wjeršk lěta 2025 w Turjeju: za 140. zapust.