Ze Žylowa/Sielow. Wogano stej dožywiłej skótna gójcowka Susanne Schmidtowa a jeje cłowjek Frank wjelicku pśechwatanku. Dwě awśe stej zastanułej pśed jeju domom a wulězła jo šwita šulskich źiśi ze swójimi wobstararjami. Kradu pśełapjonej stej byłej mějarja wótpópadowańskeje a wótwardowańskeje stacije za źiwe zwěrjeta Škódow (Wildauffang- und Pflegestation Skadow), ako stej pótom wiźełej wjelikopłoninaty šek, kenž su źiśi sobu pśinjasli. Na njom ga jo było cytaś, až 2.700 euro se pśepódawaju za te zwěrjeta na tom dwórje.