Z Depska/Döbbrick. Wjelika łuka slězy Stareje šule jo słužyła ako městno pśewjeźenja łapanja kokota w Depsku. Dotam su wšykne wumaršěrowali za tym, až su se nejpjerwjej zmakali pśed cerkwju, źož jo młoźina se teke zarejowała k muzice kapały nAund. Cele krotki pśeśěg wót cerkwje ku tej łuce jo nawjedował cłonk młoźiny John Lehmann z nadpadnym wjelikim cylinderom – a z dwěma z łokśoma załapjonyma źowćoma. (Sobu rejtował wón wšak njejo.)