Raakojc Christiane a Schneiderojc Michelle ze Strjažowa ze swójim dorostom.

Njeźelu jo cas jano tak leśeł. Pozawnowy chor jo k namšy wutšubił a pótom jo se zachopił pisany ruš na swěźeńskem terenje. Aby cas do swěźeńskego pśeśěgoju pśemósćili, su Chrósćańske dujaŕske gerce grali a chor Łužyca jo spiwał. We toś tom casu jo był najs ze serbskeju muziki połnjony. Pótom jo drastwina rejowaŕska kupka Barbuk pśed głownym jawišćom rejowała.

W Grabowje su se mjaztym wobźělniki swěźeńskego pśeśěga zmakali a zestupowali. Wjele Dešanarjow z Grabowa jo ku tej góźbje ekstra swóje zagrodki wupyšniło a su se pokazali wót nejrědnjejšego boka. Nagromadu 51 wobrazow w pśeśěgu jo śěgnuło wót swěźeńskeje mile na Głownej droze až do kóńca Wejsneje drogi.