Z Dešna/Dissen. „Kondomowe zapakowanje z wužowym kralom Karen Ascheroweje jo mě k tej wustajeńcy inspirěrowało“, tak jo groniła muzejowa wjednica Babette Zenkerowa. Zachadnu njeźelu jo wóna wótwóriła w Domowniskem muzeju Dešno wósebnu wustajeńcu „Mit anderen Augen-/Z drugimi wócymi – Sagenfiguren der Lausitz – Łužyske powěsćowe figury“. Ze wšakorakimi technikami a nejwšakorakšymi materialijami pokažu how wuměłcowki a wuměłce swój wid na serbski powěsćowy swět.