Z Rownego/Rohne. Wjas Rowne jo zachadny kóńc tyźenja tśi jubileje swěśiła: 60 lět šalmajowa kapała, 30 lět wejsański klub a 25 lět Towaristwo Njepilic dwór. Kuždy tych jubilarow móžo na rozdźělnje dłujki cas, we kuždem paźe pak na wuspěšny cas swójogo statkowanja slědk glědaś. Wó jich angažemenśe, teke zwenka Slěpjańskeje wósady, smy južo wěcej raz rozpšawili. Togodla jo był skóńcnje raz góźba, až sami słušnje swěśe, a to – se wě – z wjele, wjele woglědarjami.