Z Lěšćow/Hornow. Liane Dörryowa (Dörry), wobsejźaŕka „małego dwóra“ w Lěšćoch, njejo swójim gósćam pśewjele zlubiła: „My wugótujomy krajnu partiju raz ako pšawu >Landparty<.“ Pśeto pśed dwěma lětoma jo se to južo raz ako wjeliki wuspěch wopokazało. Bejna mań woglědari jo pśichwatała pśedslědnu njeźelu na swěźeński teren, pśeto dwórowe swěźenje w Lěšćoch su w regionje južo wótdawna wuchwalone. Žeden źiw glědajucy na to, kak woblubowany jo pśedawański wóz Liany Dörryoweje na tyźeńskich markach w Chóśebuzu, Grodku, Běłej Wóźe a Wórjejcach.