Wuběrny a znaty serbski organist Tomaš Žur wóswěśijo 19. junija w Barlinju swóje 70. narodniny. Wón jo se w Kulowje (Wittichenau) naroźił a w Baćonju (Storcha) w serbskej familiji wótrosł. Južo, ako jo akle rowno ganjaś mógał, jo jogo nan, ceptaŕ, kenž jo sam rad pśi orgelach był, jogo k tomu instrumentoju wjadł. Ako 12lětny gólc jo wón prědnu wucbu wót organistki w Baćonju dostał, jo serbsku Bóžu słužbu na orgelach pśewóźił, pó šuli skóro jano hyšći pśi tom instrumenśe był. Budyšyńska muzikowa šula pód tegdejšym wjednistwom serbskego komponista Jurija Winarja jo do wukubłańskego programa pśedmjat orgele pśiwzeła a jomu tak móžnosć bitowała, nastupiś puś k wukubłanemu organistoju. Pó abiturje na Budyšyńskej Serbskej rozšyrjonej šuli jo Tomaš Žur na Lipšćańskej Wusokej šuli za muziku Felixa Mendelssohna Bartholdyja we głownem pśedmjaśe orgele studěrował.

Hyšći ako student w lěśe 1976 sćo pśi mjazynarodnem orgelowem wuběźowanju w Lipsku Bachowe myto dobyli. Kótary wuznam jo to měło za Wašo dalšne pówołańske wuwiśe?