Busowu liniju do a wót Miłoraza wótpóraju
K prědnemu juliju buźo kóńc z busowym wobchadom linije S79 wót a do starego Miłoraza. Teke wołański bus (Rufbus) njebuźo, dokulaž tudy bydlece Miłoraske njamaju to za notne – to jo šołta Robert Sprejz k wěsći dał. Dnja 1. julija změjo mimo togo zasej pśirada za pśesedlenje Miłoraza pósejźenje. Tema buźo kjarchob starego Miłoraza – slědna napšawa pśesedlenja. „Wjelgin sensibelna tema. Kjarchob se wótpósćijo (entwidmen) akle pón, gaž wšykne rowy budu pśepołožone“, jo gronił šołta.
Kólasowaś mjazy Slěpym a Dźěwinom