Luby Horst,
žycymy Tebje jano to nejžlěpše, trajnu kšutu strowotu – za kótaruž ako njewomucny pěškowaŕ na kuždy pad južo derje se staraš –, wjele gluki a wjasele z Twójimi nejlubšymi hobbyjami, ako na pśikład pśi statkowanju ze serbskimi koparjami a kopaŕkami.
Smy źěkowne za to, až k nam tak cesto w redakciji woglědujoš, nas pódpěrujoš, z nowosćami, fotami a artiklami zastarujoš a Twój bogaty pókład casnikaŕskich nazgónjenjow z nami źěliš. Wažymy se Twóju pilnosć, Twóju žyłku za to ludojske a wejsańske, Twóju dłymoku lubosć za serbsku domownju, se wě teke Twój dobry humor.
Ty sy naš cesny šefredaktor, kenž jo se wjele chwalby zasłužył njeglědajucy na momenty, gaž měnjenja se rozeznawaju. Wjaselimy se na dalšne gromadne źěło a na dalšne rědne momenty z Tobu!
– Twójo casnikaŕske „mustwo“ –