„Toś ten kluc mjazy wědomnosću a zjawnosću, ten mam za wjelgin zapśimujucy“, wuzwignjo Katharina Kliemowa nastupajucy muzejowu pedagogiku. We toś tom wobłuku wóna z wjelikim zajmom a z wjelikeju lubosću statkujo, a to wót awgusta 2023 ako sobuźěłaśeŕka w Serbskem muzeju w Chóśebuzu. Wóna bydli ze swójim cłowjekom Gregorom Kliemom, kenž jo muzikowy redaktor pla serbskego rozgłosa rbb, a ze zgromadnyma góleśoma wót łońskego lěta w Dešnje.