Na zjawnej prezentaciji projekta ZARI, 7. nowembra w Dolnem Wujězdźe, kenž jo w nosaŕstwje Domowiny, su sobuźěłaśeŕki a sobuźěłaśerje zajmcam wuwědobnili, kak kśě swóje konkretne zaměry dojśpiś. Moto projekta ZARI jo „seś za regionalnu identitu a serbsku rěc“ na- a wutwariś.

„Cil našogo projekta jo, až buźo pó cełej Łužycy zasej normalnje, serbowaś. Až awtomatiski wšuźi serbski strowiš. Až kuždy wě, co „Dobry źeń“ a „Bóžemje“ groni. Až se w serbskem rozgronje do nimšćiny njezměnijo, gaž su nimskorěcne pśibytne a až sebje źeńk ak źeńk wěcej luźi ako teke jsy, města a strony serbšćinu ako swóju rěc zasej nadejdu“, groni Diana Pawlikowa, kótaraž projekt sobu koordiněrujo.

Rěc a seś

Wó slědujuce strony stara se tuchylu pěś rěcnych motiwatorow projekta ZARI:

> Marija Šołćic za strony Kulow, Wórjejce a Halštrojska góla

> Lucian Kaulfürst za strony Malešecy, Kubšicy, Bukecy

> Frank Knobloch za strony Łaz, Sprjewiny doł a Dolny Wujězd

> Juliana Kaulfürstowa za strony wokoło Slěpego a Wochoz

> Rafaela Wićazowa za strony Wjelika Dubrawa, Radwor, Rakecy, Njeswačidło, Bóšicy a Hodźij.