Z Města/Cottbus. 39. Schadowanka jo mimo. Załožba za serbski lud ako wugótowaŕ jo se něco nowego zwěriła. Pó sedymnasćo lětach schadowanki w kafejowni Dolnoserbskego gymnaziuma smy kśěli zasej k póchadoju slědk.

W 1970tych lětach su kužde lěto wuknice a wukniki tegdejšeje Serbskeje wušeje šule „Marjana Domaškojc“ Chóśebuz na górnoserbsku schadowanku do Budyšyna jěli. W lěśe 1984 jo žycenje za swójskeju schadowanku w Dolnej Łužycy absolwentow něgajšneje SRWŠ mobilizěrowało. Na wšakich městnach města Chóśebuz a wokoliny jo se wuwiła w běgu casa rědna tradicija. Absolwenty šule su stajili kužde lěto wótměnjaty serbski program z kabaretom, muziku a skečami na nogi.