Pytaju luźe za sobuźěło
w šulskich konferencach
W Bramborskej jo tak rědowane a póstajone, až mógu w tych šulach, źož jo serbska WITAJ-wucba, a w Dolnoserbskem gymnaziumje zastupniki Domowiny sobu źěłaś a sobu powědaś w šulskich konferencach. Su to wažne gremije ze ceptarjami, wuknikami a starjejšymi, ako rozsuźuju wó źěle a wó profilu šule. W Dolnej Łužycy pótrjefijo to zakładne šule w Janšojcach, Žylowje, Brjazynje, Bórkowach, Tšupcu a Wětošowje. Za šulu w Žylowje a za Dolnoserbski gymnazium pytaju něnto Domowinaŕku abo Domowinarja, kenž co w takem gremiumje sobu źěłaś.
Serbske komunalne politikarje lěpjej gromaźe?
Župne pśedsedaŕstwo jo dostało naraźenje, až by se dejał załožyś gremium abo zjadnośeństwo w Dolnej Łužycy, w kótaremž by mógali serbske šołty a dalšne serbske cłonki gmejnskich parlamentow gromaźe źěłaś. To by było wažne a wužytne za to, hyšći lěpjej pśesajźiś pšawa Serbow w komunach serbskego sedleńskego ruma. Wó tej ideji kśě něnt dalej powědaś a pśemyslowaś.
2024 zasej rozgrona
z kandidatami