Nowy Casnik jo se wupórał do Dešna, na Zaźewic dwór, a jo tam jaden źeń pla rěcnego projekta Zorja pśebywał.

Wuglěda kaž normalny bydleński chrom na Depsčańskej droze w Dešnje. Jano kopica awtow pśed domom pósrědnijo widanje, až how musy se stawaś něco wósebnego.

Pěś dnjow w tyźenju wuknjo how 12 dorosćonych we starstwje wót 20 do 47 lět dolnoserbsku rěc na starem burskem dwórje (Zaźewic dwór), a to źaseś mjasecow. Jadna se pśi projekśe Zorja wó nowu formu wukubłanja dorosćonych. Ideju, imersiju ako metodu wuknjenja wužywaś, jo wjednik projekta Maksimilian Hasacki wót źěłaŕnje z Kanady sobu pśinjasł.

Wobźělniki deje rěc pó grajkajucej wašni wuknuś, pódobnje ako źiśi, kenž z powědanim zachopiju. Program se wudopołnijo z małymi a wětšymi ekskursijami. Raz k serbskim tradicijam, raz k wěcam wšednego dnja. Chto su te docenty a wuknjece teje prědneje rundy? To pśedstajijomy Wam na tyma bokoma. Tež, co jo se stało w prědnyma mjasecoma pśi Zorjach.

Mitbegründer & Projektleiter | Sobuzałožaŕ a projektowy wjednik