Nicht njej pśišeł kokotoju bližej ak Tom Tarnowski. Foto: Th. RattkeBórkojski kóń „Carinja“ jo dopomogł Dešanarjeju k dobyśu pśi lětosnem Superkokośe 2023. Foto: A. BathkeLea Müller-Uhligojc a Marcus Nowak stej superkralowy pórik 2023. Foto: Th. RattkeTeke pśi Superkokośe njejo felowało, až se rejujo „Anemarja“ pód wrotami. Foto: Th. RattkeWšykne kralowe póriki ze wšakorakich jsow su gromadu pśišli, aby zgromadnje z dubowym listom wobwili a dogótowali wrota, wěnce a žnjownu kronu. Foto: K. K.

Z Dešna/Dissen. Sobotu, 30. septembra, jo se wótměł Superkokot w Dešnje. Ako kužde lěto jo šło wó to, togo superkrala ze wšyknych jsow wuzgóniś. 21 rejtarjow jo lětosa nastupiło, aby sebje ten titel zasłužyli a Superkokota w pśiducem lěśe do swójeje jsy holili. Wjelgin rědne wrota ako teke wěnce za kralow a jich kónje su młodostne wšykne gromaźe wili. Južo nježli až jo Superkokot se zachopił, jo prědny rejtaŕ z kónja padnuł. Etienne Grassow, kenž jo nastupił za Wjerbno, jo za to dostał titel „kacorowego krala“. Weto njejo se powdał a jo pód wjelikim pśijuskanim swójeje młoźiny dalej rejtował.