Ze Žylowa/Sielow. W maju 1998 jo se zachopił imersiwny projekt Witaj pó pśikłaźe bretoniskego rěcnego projekta, a to w źiśowni „Mato Rizo“ w Žylowje. Ku tej góźbje jo Serbske šulske towaristwo pśepšosyło zachadny pětk do źiśownje na jubilejny swěźeń. Mimo starjejšych, kenž su nejpjerwjej dožywili kjarmušu ze swójimi źiśimi, jo se mań luźi ze serbskich institucijow Górneje a Dolneje Łužyce na terenje źiśeceje zagrodki zgromaźiła, aby jubilej swěśili, chwalobne słowa wugronili abo dary pśepódali.