Z Dešna/Dissen. Z namšu jo se zachopiło wałtoru wjacor spomnjeńske zarědowanje pśi pomniku serbskego fararja, rěcywědnika a sobuzałožarja Domowiny, Bogumiła Šwjele w Dešnje. Faraŕka wósady Dešno-Žylow-Strjažow a serbska dušepastyŕka Katharina Köhlerowa jo witała gósći na jogo 150. narodny źeń. Wóna jo wustajiła: „Narodninaŕ dawno wěcej njejo mjazy nami, a weto swěśimy, dokulaž spominamy na fararja našeje wósady, kótaregož derbstwo dalej promjeni, až do źinsajšnego…“.