Z Turjeja / Tauer. Zachadnu sobotu jo w Turjeju kokot był. Z wósym rejtarjami a 21 źowćami w rědnych drastwach jo wjas swěśiła. Młoźina jo nejpjerwjej pśez wjas śěgnuła. Prězy jo była drožka, kótaraž jo w kuždem lěśe w Turjeju pśipódla. Slězy su te źowća šli, na droze rejowali a te gólcy na swójich kónjach rejtowali. Ako wóni su na sportnišću pśichadali, su te rejtarje chopili ze swójimi kónjami se zarejtowaś. W tom casu jo turjańska šołtowka Karin Kalawcyna nagrono źaržała. Wóna jo wšyknych witała a groniła, až serbske nałogi zazdaśim su se derje w Turjeju woplěwaju, dokulaž wjele młodych luźi jo se za to zajmowało a tam było. Pótom jo teke młoźina gósći witała, a to nejžpjerwjej w dolnoserbskej a pótom w nimskej rěcy.

Wěcej razow su gólcy pśez wrota rejtowali, aby tam a sem za wšakimi darami grapsnuli a wopytali něco wótrězaś. Skóńcnje su zachopili kokota pśimjeś a Nikolas Wondrakoju jo se raźiło głowu kokota wótryś. Z tym jo wón prědny kral wordował. Drugi kral jo Franz Stecklina a tśeśi Nils Sprenger.