Z Města/Cottbus. Domyslimy se hyšći raz, co jo se stało pśed źewjeś a šesć lětami w Bramborskej. W lěśe 2014 ga su pśeměnili we wšakich dypkach bramborsku Serbsku kazń. Mjazy drugim teke paragraf wó starodawnem serbskem sedleńskem rumje. Dotychměst jo tam stojało, až słušaju k tomu te komuny, źož pśez dlejšy cas stej serbska rěc a kultura žywej. W tej nowej kazni z lěta 2014 jo pak póstajone, až jo tam ten serbski sedleński rum, źož mamy serbsku rěc abo serbsku kulturu a tradicije. Pśi tom jo to słowo „abo“ rozsudne, pśeto by mógali z tym wěcej městow, gmejnow a jsow pśistupiś k historiskemu serbskemu sedleńskemu rumoju. Ga take, źož jo dolnoserbska rěc južo wumrěła, ale ta kultura hyšći jo – na pśikład w serbskich tradicijach a nałogach abo w serbskej drastwje.