Jezus Kristus groni: „Lubujśo swójich winikow, žognujśo tych, kenž wam klěju, aby wy źiśi byli swójogo njebjaskego Wóśca“ (Matejus 5,44–45). Njejo to jadno z nejwětšych pśiśpiśow, kenž Jezus za nas ma? Tola su pśecej wustupili luźe, kenž su to napšawdu zastupowali.

Dej jasne byś, až wójna sama njepśestupijo tu pśikazń lubosći, dokulaž chtož za spšawnu wěc wójujo, njegramujo luźam, ale tym statkam, kenž se spšawnosći dla pokuśi. Jano, až taku mudrosć, skobodnosć a fantaziju, ako se pomina, w pódpěrje Ukrainy pśeśiwo Rusojskej njewiźim. Stupidne librowanje stawnje nowych bronjow njamóžo žedno rozwězanje byś. Winikojstwo źe se cesto pokazujo njewobpšawnjone, ale móžo se wuwijaś z pśewiźonych swójskich zmólkow. To teke móžomy derje spóznaś na konflikśe w Ukrainje. Lubosć k winikoju pótakem groni, sebje pśespytowaś a winikoju šansu daś.