Z Hochoze/Drachhausen. Dłujko, jo, bejnje dłujko smy musali bóžko cakaś na nejwětšy a nejrědnjejšy serbski kulturny swěźeń – ga na mjazynarodny folklorny festiwal „Łužyca“. Slědny, ten 13., jo se wótměł 2019, pón jo ten swěźeń bóžko korony dla wupadnuł. Wšuźi su to wjelgin woblutowali – teke pśi nas w Dolnej Łužycy, źož jo ten festiwal w Hochozy pśecej pśiwabił wjele towzynt woglědari ze wšych stron, młodych rowno tak ako staršych.

Něnt pak móžomy se wšykne wjelgin wjaseliś, až pśiźo „Łužyca“ skóńcnje zasej k nam, a to južo 14. raz. Ten tyźeń – wót 6. do 9. julija – móžomy se rozwjaseliś pśez pisanu folkloru ze źewjeś krajow a, to se wě, teke z Łužyce.