Ze Serbskego muzeju. Južo wót lěta 2006 wudawa Serbski muzej w Chóśebuzu wósebnje knigły, ako se za wětšy źěl zaběraju ze serbskeju historiju w Dolnej Łužycy. Wótněnta pśedlažy južo ta źaseta edicija w tom rěźe z mjenim „Sorbische Kostbarkeiten. Serbske drogotki“ A ta jo napšawdu wjelika drogotka! Wóna ma ten dłujki titel „Der Landkreis Spree-Neiße und seine sorbische/wendische Kulturgeschichte. Der Altkreis-Spremberg. Wokrejs Sprjewja-Nysa a jogo serbska kulturna historija. Něgajšny wokrejs Grodk“.